БНСУ-ын Сөүл хотноо 2015 оны 11 дүгээр сарын 2-ноос 6-ны хооронд зохион байгуулагдаж байгаа Дэлхийн авто замын 25 дугаар их хуралд Зам, тээврийн дэд сайд Х.Ержан, яамны Стратегийн бодлого, төлөвлөлт, хамтын ажиллагааны газрын дарга Р.Онон нар оролцлоо.

Энэ үеэр ЗТЯ-ны дэд сайд Х.Ержан БНСУ-ын Далайн хэрэг, загас агнуурын яамны дэд сайд Юн Хаг Бэ-тэй уулзаж, хоёр орны далайн тээвэр болон логистикийн салбарын хамтын ажиллагааг өргөжүүлэх, Монгол-Солонгосын хамтарсан далайн тээврийн “Монгол Саммок Ложистикс” ХХК-ийн үйл ажиллагааг идэвхжүүлэх, мөн Монгол далайчдыг тус улсад далайн тээврийн мэргэжлээр суралцуулж байгаад талархлаа илэрхийлээд цаашид их далайд гарч ажиллахад дэмжлэг үзүүлэхийг хүссэн юм.