Зам, тээврийн хөгжлийн яам 2023 онд агаарын тээврийн салбарт ХЯМД ТИЙЗ-ХҮРТЭЭМЖТЭЙ НИСЛЭГ зорилт тавин тэгш, шударга өрсөлдөөнийг дэмжин ажиллаж байна.

 

 Үүний үр дүнд манай улс руу нислэг үйлдэх агаарын тээвэрлэгчийн тоо нэгээр нэмэгдэж өнөөдөр /2023.08.24/ Япон Улсын агаарын тээвэрлэгч JAPAN AIRLINES компани "Чингис хаан" Олон улсын нисэх буудалд анхны захиалгат нислэгээ үйлдлээ.  Тус нислэгээр 124 зорчигч Монгол Улсад хүрэлцэн ирсэн юм. JAPAN AIRLINES компани нь наймдугаар сарын 24, 28 болон есдүгээр сарын 1-ний өдрүүдэд нийт 3 удаагийн захиалгат нислэг үйлдэхээр төлөвлөж байна.