Зам, тээврийн сайдын үүргийг түр орлон гүйцэтгэгч Аж үйлдвэрийн сайд Д.Эрдэнэбат 2015 оны 08 дугаар  сарын 13-ны өдөр Зам, тээврийн яамны ажил байдалтай танилцаж, уулзалт зохион байгуулав.

Уулзалтанд Зам, тээврийн дэд сайд Х.Ержан, Төрийн нарийн бичгийн дарга Ж.Бат-Эрдэнэ, газар, хэлтэс, албадын дарга, холбогдох агентлагийн удирдлагууд оролцов.

Уулзалтаар Сайд Д.Эрдэнэбат Зам, тээврийн салбарын өвөлжилтийн бэлтгэл ажил болон тус салбарын ажлын талаар мэдээлэл сонсч, Яармагийн товчоо-Зуунмод, Өндөр довын жуулчны бааз чиглэлийн одоо ашиглагдаж байгаа авто замыг сайжруулах, ажлыг гүйцэтгэх компанитай гэрээ байгуулж 2015 оны 09 дүгээр сарын 01-ны дотор эхлүүлэх, “Богд хаан” төмөр зам, Иргэний нисэхийн корпораци байгуулах тухай, Шинэ нисэх буудлын менежментийн асуудлуудыг Засгийн газрын хуралдаанаар хэлэлцүүлж шийдвэрлүүлэх чиглэлээр холбогдох албан тушаалтануудад үүрэг даалгавар өглөө.