Монгол Улсынхаа хөгжил дэвшил, зам тээврийн салбарт залуу нас, хөдөлмөр зүтгэл, ур ухаанаа харамгүй зориулсан салбарын ахмадууддаа Зам, тээврийн хөгжлийн сайд С.Бямбацогт Олон Улсын ахмадын баярыг тохиолдуулан хүндэтгэл үзүүллээ.

 

 

 Монгол Улсын Засгийн газраас дэвшүүлсэн Шинэ сэргэлтийн бодлого амжилттай хэрэгжиж, зам, тээврийн салбарт СЭРГЭЛТ ирэхэд та бүхний ажил амьдралын арвин туршлага, үг санал, үнэтэй зөвлөмж ямагт түшиг тулгуур болж ирсэн гэдгийг сайд онцлоод, амьдрал заяа нь алтан шар зам шигээ өнөд өлзийтэй байж, үйлс бүтээл нь ган зам мэт бат бөх, үг сургаал нь цэлмэг тэнгэр шигээ уужим дэлгэр байхыг хүсэж, урт насалж, удаан жаргахыг ерөөлөө.

 

 

 

 

 

 

ОЛОН УЛСЫН АХМАДЫН БАЯРЫН МЭНДИЙГ ӨРГӨН ДЭВШҮҮЛЬЕ