Сүүлийн жилүүдэд Монгол Улсад импортоор орж ирж буй тээврийн хэрэгслүүдэд эвдрэлтэй суудлын автомашины эзлэх хувь өсөж, тэдгээр эвдрэл, гэмтэлтэй тээврийн хэрэгсэлд засвар үйлчилгээ хийн борлуулах явдал ихэссэн. Тиймээс “Автотээврийн хэрэгслийн бүртгэл хөтлөх, улсын дугаар олгох журам”-д нэмэлт, өөрчлөлт орууллаа.  

Дээрх журамд холбогдох нэмэлт, өөрчлөлтийг оруулснаар тээврийн хэрэгслийн бодит мэдээлэл ил тод болж, хэрэглэгч автомашины нөхцөл байдлыг тодорхой мэдэхээс гадна тохиромжтой үнээр худалдан авах боломжтой болох юм. Мөн хүний эрүүл мэнд, аюулгүй байдал, эдийн засаг, хувийн өмчийг хамгаалах, зам тээврийн осол буурахад бодит нөлөө үзүүлнэ гэж үзэж байна.