төрийн үйлчилгээ
авто зам авто тээвэр Төмөр зам, далайн тээвэр агаарын тээвэр салбарын шагнал Өргөдөл, гомдол Онлайн сургалт

Орон нутгуудын автозамын хөдөлгөөнийг хаах эсэхийг УОК-ын хурлаар шийднэ.

2020/02/19

Өнөөдөр Засгийн газрын ээлжит хуралдаан болсон ба Зам тээвэртэй холбоотой шийдвэрийг Зам, тээврийн хөгжлийн сайд Б.Энх-Амгалан танилцууллаа. 

Тэрээр “Монгол Улсын Ерөнхийлөгч Цагаан сарыг тэмдэглэхгүй байх зарлиг гаргасан ба үүнийг хэрэгжүүлэхтэй холбоотойгоор автомашин, төмөр зам, агаарын тээврийн гаднах хөдөлгөөнийг зогсоосон. Цагаан сарын битүүн, шинийн 1-3-ны өдрүүдэд иргэдийн хөдөлгөөн нэмэгддэг. Нийт зорчигчдын 90 гаруй хувь нь өөрсдийн хувийн тээврийн хэрэгслээр зорчдог учраас автозамын хөдөлгөөнийг хаах эсэхийг маргааш болох Улсын Онцгой Комиссын хурлаар эцэслэн шийдвэрлэнэ.

Харин хот доторх хөдөлгөөнийг хязгаарлахгүй. Зарим аймаг автозамын хөдөлгөөнөө хязгаарлах захирамж гаргасан ч үүний хэрэгжиж эхлэх хугацааг битүүний өдөр гэж заасан учраас маргааш Улсын Онцгой Комисс хөдөлгөөнийг хязгаарлах шийдвэр гаргавал аймгуудын захирамж хүчинтэй үргэлжилнэ. Хэрэв үгүй бол цуцлагдана" гэсэн юм. 

Орон нутгуудын автозамын хөдөлгөөнийг хаах эсэхийг УОК-ын хурлаар шийднэ.  
Зам, тээврийн хөгжлийн яам Facebook  

Сэтгэгдэл бичих:

Нэмэх