төрийн үйлчилгээ
авто зам авто тээвэр Төмөр зам, далайн тээвэр агаарын тээвэр салбарын шагнал Өргөдөл, гомдол Онлайн сургалт

АВТОТЭЭВРИЙН ХЭРЭГСЛИЙН АШИГЛАЛТЫН ЖИШИГ НОРМЫГ ШИНЭЧИЛЛЭЭ

2020/01/16
АВТОТЭЭВРИЙН ХЭРЭГСЛИЙН АШИГЛАЛТЫН ЖИШИГ НОРМЫГ ШИНЭЧИЛЛЭЭ

Автотээврийн хэрэгслийн ашиглалтын жишиг норм буюу автомашины шатахуун зарцуулалт, резин дугуй, зай хураагуур, агрегат зангилаануудын эдэлгээний нөөц зэргийн ашиглалтын нормыг Дэд бүтцийн сайдын 2004 оны  19-р тушаалаар батлан улсын хэмжээнд мөрдөж эхэлсэн байдаг.

Тухайн үед манай улсад 120 мянга орчим автомашин замын хөдөлгөөнд оролцож байсан бол  2017 оны байдлаар 530 гаруй мянга болсон /Үндэсний статистикийн хорооны судалгаа/.

Хуучин автомашинууд ашиглалтаас гарсан болон автомашины марк, төрөл, тоо нэмэгдсэнтэй уялдуулан Зам, тээврийн хөгжлийн яам автомашины шатахуун зарцуулалтын жишиг нормыг шинэчлэн батлууллаа.

Ингэхдээ манай улсад арваас дээш тоогоор орж ирсэн, 2007 оноос хойш үйлдвэрлэгдсэн, 480 гаруй марк загварын /2018 оны байдлаар/ автомашинуудад судалгаа хийлээ. Мөн Улаанбаатар хотын замын хөдөлгөөний түгжрэл, эрс тэс уур амьсгал, авто замын онцгой хүнд нөхцлүүд гээд хэд хэдэн судалгааг үндэслэсэн юм.

Шинэ нормын дагуу Улаанбаатар хотын авто замд 100 километрт 10 литр шатахуун зарцуулдаг машинд XII сард буюу хүйтний улиралд 14 литр зарцуулахаар тооцож байгаа юм.

Шатахуун зарцуулалтын жишиг нормыг шинэчлэснээр аж ахуй нэгж байгууллагууд төсөв санхүүгээ оновчтой төлөвлөх, эдийн засгийн үр өгөөжийг бодитойгоор үнэлэх, автомашины эвдрэл доголдлыг тодорхойлох зэрэгт ач холбогдлоо өгөх юм.

 

АВТОТЭЭВРИЙН ХЭРЭГСЛИЙН АШИГЛАЛТЫН ЖИШИГ НОРМЫГ ШИНЭЧИЛЛЭЭ  
Зам, тээврийн хөгжлийн яам Facebook  

Сэтгэгдэл бичих:

Нэмэх