Монгол Улсын төрийн албаны тухай хуулийн 12 дугаар зүйл 12.2 дэх хэсэг, Монгол Улсын Ерөнхийлөгчийн 1995 оны 109 дүгээр зарлигаар баталсан “Төрийн захиргааны албан хаагчийн тангараг өргөх ёслолын журам”-д заасны дагуу өнөөдөр Зам, тээврийн яамны төрийн захиргааны шинэ албан хаагчид төр, ард түмнийхээ төлөө үнэнч шудрагаар ажиллахаа тангараглалаа.

Төрийн захиргааны албан хаагчийн тангарагийг төрийн жинхэнэ албаны мэргэшлийн шалгалтад орж тэнцсэн, Төрийн албаны зөвлөлийн дүгнэлтийн дагуу томилогдсон 5 төрийн жинхэнэ албан хаагчийн тангараг өргөсөн юм. Зам тээврийн яамны Агаарын тээврийн бодлогын хэрэгжилтийг зохицуулах хэлтсийн дарга З.Туяа,  Төрийн захиргааны удирдлагын газрын хуулийн хэлтсийн мэргэжилтэн Б.Билгүүн, Стратегийн бодлого, төлөвлөлтийн газрын Төсөл, хөтөлбөр, гадаад хамтын ажиллагааны хэлтсийн мэргэжилтэн Ж.Баасандулам, Э.Энхмаа, Төмөр зам, далайн тээврийн бодлогын хэрэгжилтийг зохицуулах хэлтсийн мэргэжилтэн С.Өнөрбаяр нар төрийн сүлдэндээ мэхийн ёсолж, төрийн албан хаагчийн батламжаа гардан авлаа.