төрийн үйлчилгээ
авто зам авто тээвэр Төмөр зам, далайн тээвэр Иргэний нисэх салбарын шагнал Өргөдөл, гомдол Онлайн сургалт

RMS-ийн загвараар төмөр замын бетон дэр үйлдвэрлэнэ

2014/05/27
RMS-ийн загвараар төмөр замын бетон дэр үйлдвэрлэнэ

Төрөөс төмөр замын тээврийн талаар баримтлах бодлого”-ын баримт бичгийг батлаад чамгүй хугацаа өнгөрсөн билээ. “Шинэ төмөр зам” төслөөр болон цаашид баригдах төмөр замуудад Евро стандартыг бүрэн нэвтрүүлэх бодлого баримталж буй.  Үүнтэй холбогдуулан төмөр замын бетон дэрний загвараараа олон улсад танигдсан ИБУИНВУ-ын “Railway Moulds and Systems” компаниас  “Воссло” болон “Пандрол” бэхэлгээнд тохирсон төмөр бетон дэрний загварыг Монгол Улсад ашиглах эрхийг үнэ төлбөргүй, хугацаагүй нөхцлөөр шилжүүлж авахаар тохиролцлоо.

Уг загварыг ашиглах эрхийг шилжүүлж “Улаанбаатар бүүк” ХХК нэлээд хугацаа алдаад байгаа бетоны дэрний хэвээ даруй захиалах боломжтой болох бөгөөд цаашлаад манай улс төмөр замын салбарт бетон дэрийг өөрийн загвараар хууль ёсны дагуу үйлдвэрлэж, ашиглах бүрэн бололцоо нээгдэх юм.

Иймд Зам, тээврийн яамны Төмөр зам, далайн тээврийн бодлогын хэрэгжилтийг зохицуулах газар (ЗДТБХЗГ) тус төмөр бетон дэрний загварыг ашиглах эрхийг дээрх нөхцөлөөр албан ёсны гэрээгээр баталгаажуулж авах зорилгоор RMS компанийн Ерөнхий захирал ноён Жонатан Лэйфилдийг Монгол Улсад албан ёсоор урьсан юм. ЗТЯ-ны зүгээс 1520 мм-ийн өргөн царигийн 25 тоннын даац бүхий төмөр бетон дэрний загвараас гадна Vosloh болон Pandrol бэхэлгээнд тохирсон төмөр замын нарийн царигийн 1435мм-ийн төмөр бетон дэрний загварыг мөн гэрээгээр шилжүүлэн авах саналаа илэрхийлснийг RMS компаниийн зүгээс хүлээн зөвшөөрсөн байна. Энэхүү гэрээнд Зам, тээврийн яамыг төлөөлж Төмөр зам, далайн тээврийн бодлогын хэрэгжилтийг зохицуулах газрын дарга Ё.Манлайбаяр, RMS компанийн Ерөнхий захирал ноён Жонатан Лэйфилд нар гарын үсэг зурлаа.

RMS-ийн загвараар төмөр замын бетон дэр үйлдвэрлэнэ   
Зам, тээврийн хөгжлийн яам Facebook  

Сэтгэгдэл бичих:

Нэмэх