төрийн үйлчилгээ
авто зам авто тээвэр Төмөр зам, далайн тээвэр Иргэний нисэх салбарын шагнал Өргөдөл, гомдол Онлайн сургалт

ТӨСЛИЙН ЗОХИЦУУЛАГЧИЙН СОНГОН ШАЛГАРУУЛАЛТ

2017/08/25

ТӨСЛИЙН ЗОХИЦУУЛАГЧИЙН СОНГОН ШАЛГАРУУЛАЛТ

 

Зам, тээврийн хөгжлийн яам нь Монгол Улсын Засгийн газар, Азийн хөгжлийн банктай хамтран хэрэгжүүлж буй “Баруун бүсийн авто замын коридорын хөрөнгө оруулалтын төсөл”-ийн зохицуулагчийн ажилд сонгон шалгаруулж авна.

 

Ажлын байрны үндсэн чиг үүрэг:

- Азийн хөгжлийн банктай байгуулсан олон улсын гэрээнд заасанчлан, аюулгүй ажиллагаа, авилгын эсрэг байх, худалдан авалт, техник технологи, шаардлагууд гэсэн хэсгүүдийг баримталж, уг төслийн хэрэгжилтийг хангаж ажиллах;

- төсөл хэрэгжүүлэх нэгжийн үйл ажиллагааны үр дүнг хариуцан, үр ашигтай удирдлагаар хангах, төслийн хүрээнд хэрэгжүүлэх төсөл, арга хэмжээний төлөвлөлтийг хангах;

- эрх бүхий этгээдээс баталсан төсөв, төлөвлөгөөний хэрэгжилтийг хангах, гүйцэтгэлийн мэдээ тайланг боловсруулах, төслийн хөрөнгийг удирдах, зарцуулалтад хяналт тавих;

- зээлийн болон төсвийн хөрөнгийн зарцуулалтын төлбөр, тооцоог зориулалтын дагуу шуурхай зохион байгуулах, санхүүгийн бүртгэл, тайлагналтыг холбогдох дүрэм, журмын дагуу хөтлөх;

- төслийн үйл ажиллагааны төлөвлөгөө, худалдан авах ажиллагааны төлөвлөгөөний хэрэгжилтийг хангах, тайлагнах;

- төслийн хүрээнд хийгдэх санхүүжилт, худалдан авах ажиллагааг Монгол Улсын хууль тогтоомж, олон улсын гэрээнд заасны дагуу гүйцэтгэх;

- нийлүүлэгдэх бараа, ажил, үйлчилгээ гүйцэтгэгчийн үйл ажиллагаанд хяналт тавих, зохицуулах, ажлын даалгаврын биелэлтийг дүгнэх;

- зөвлөх болон гүйцэтгэгчийн ажлын явцын тайланг дүгнэх, үйл ажиллагааны тайлан мэдээллийг төсөл хэрэгжүүлэгч байгууллага болон эрх бүхий бусад байгууллагад хүргүүлэх;

- төслийн нэгжийн ажилтны хөлсөөр ажиллах гэрээний хэрэгжилтийг хянах, дүгнэх, гэрээг сунгах, цуцлах болон урамшуулах, хариуцлага тооцуулах талаар санал боловсруулах зэрэг болон үүгээр хязгаарлагдахгүй.

 

Ажлын байранд тавигдах шаардлага:

- авто замын барилгын инженер, эсхүл бизнесийн удирдлагын чиглэлээр бакалавр болон түүнээс дээш зэрэгтэй байх;

- төсөл хэрэгжүүлэгч нэгжийн үйл ажиллагааг хамтран ажиллагч талуудтай уялдуулан ажиллах харилцааны өндөр ур чадвартай байх;

- авто замын салбарт мэргэжлээрээ 5-аас доошгүй жил ажилласан, үүнээс 2-оос доошгүй жил удирдах албан тушаал эрхэлж байсан туршлагатай байх;

- англи, Монгол хэлний бичгийн болон ярианы чадвартай байх;

- комьютерийн мэдлэгтэй байх /Word, Excel, …etc./, интернетийн орчинд ажиллах чадвартай байх.

 

Сонгон шалгаруулалтад оролцох хүсэлтэй, дээрх шаардлагыг хангасан иргэд дараах бичиг баримтыг битүүмжилсэн дугтуйнд хийж доорх хаягаар ирүүлнэ үү.

- Өргөдөл;

- Анкет;

- Их, дээд сургуулийн диплом, гэрчилгээ /нотариатаар баталгаажуулсан/;

- Өмнө болон одоо ажиллаж байгаа байгууллагын хоёр тодорхойлолт /эх хувиар/.

 

ЗАМ, ТЭЭВРИЙН ХӨГЖЛИЙН ЯАМ

ЗАСГИЙН ГАЗРЫН XIII БАЙР

ЧИНГИСИЙН ӨРГӨН ЧӨЛӨӨ-11, СҮХБААТАР ДҮҮРЭГ,

УЛААНБААТАР 1425, МОНГОЛ УЛС

 

Холбоо барих утас: 62263177

И-мэйл: bayanzul@mrtd.gov.mn

Өргөдлийг 2017 оны 08 сарын 30-ны өдөр дуустал 09.00-12:30, 14:00-16:30 цагийн хооронд хүлээн авна. Өргөдлийн материалыг буцаан олгохгүй бөгөөд шаардлагыг хамгийн сайн хангасан 3 өргөдөл гаргагчийг дуудаж ярилцлага хийж шалгаруулна. Сонгон шалгаруулалтын гишүүд нь өргөдөл гаргагчтай ашиг сонирхлын зөрчилгүй байх нөхцөлийг хангана.

ТӨСЛИЙН ЗОХИЦУУЛАГЧИЙН СОНГОН ШАЛГАРУУЛАЛТ  
Зам, тээврийн хөгжлийн яам Facebook  

Сэтгэгдэл бичих:

Нэмэх