Зөвлөл, хороод
Замын хөдөлгөөний аюулгүй байдлын Үндэсний зөвлөл Үндэсний тээврийн хороо
төрийн үйлчилгээ
авто зам авто тээвэр Төмөр зам, далайн тээвэр Иргэний нисэх Тусгай зөвшөөрөл Нээлттэй мэдээлэл Нээлттэй өгөгдөл салбарын шагнал Өргөдөл, гомдол Онлайн сургалт

УЛСЫН ХЭМЖЭЭНД АЖИЛЛАЖ БАЙГАА 53 АВТОТЭЭВРИЙН ХЯНАЛТЫН УЛСЫН БАЙЦААГЧИЙГ ХАМРУУЛАН СУРГАЛТ ЗОХИОН БАЙГУУЛЛАА

2017/04/18
УЛСЫН ХЭМЖЭЭНД АЖИЛЛАЖ БАЙГАА 53 АВТОТЭЭВРИЙН ХЯНАЛТЫН УЛСЫН БАЙЦААГЧИЙГ ХАМРУУЛАН СУРГАЛТ ЗОХИОН БАЙГУУЛЛАА

 

“Автотээврийн үндэсний төв” ТӨҮГ нь 2017 оныг “Автотээврийн менежментийг сайжруулах жил” болгон зарласантай холбогдуулан ихээхэн ажлуудыг амжилттай хийж гүйцэтгэж байгаа билээ. Үүний нэг нь хүний нөөцийн чадвар, чадамжийг дээшлүүлэх, мэргэшсэн боловсон хүчин бий болгох зорилгоор үйлдвэрийн газрын ажилтан, алба хаагчдад зориулсан сургалт  юм. Энэ удаагийн сургалтыг Зам, тээврийн хөгжлийн яам, Мэргэжлийн хяналтын ерөнхий газартай хамтран зохион байгуулсан бөгөөд сургалтанд улсын хэмжээнд ажиллаж байгаа 53 автотээврийн хяналтын улсын байцаагч хамрагдлаа.

 

Манай улсад орон нутгийн зам тээврийн ослоос шалтгаалан жил бүр олон зуун хүн хорвоог орхиж, амь нас эрүүл мэндээрээ хохирдог. Үүний гол шалтгаан нь хууль бус тээвэрлэлт буюу хулгайн тээвэр юм. Хууль бус тээвэрлэлтэй тэмцэх, түүнд хяналт тавих ажлыг хэрэгжүүлдэг, гүйцэтгэдэг гол үүрэг гүйцэтгэгч бол Автотээврийн хяналтын улсын байцаагч юм. Автотээврийн хяналтын улсын байцаагчдын ур чадвар, мэдлэг боловсролын түвшинг дээшлүүлэх, хууль эрх зүйн чадамжийг нэмэгдүүлэх, шинээр батлагдан гарч буй хуулиудыг танилцуулах мөн автотээврийн хяналтыг явуулахад тулгамдаж буй асуудлыг шийдвэрлэхэд сургалтын зорилго оршиж байна.

 

Мөн тус сургалтын хүрээнд сүүлийн 7 жил хувцас, хэрэгслээр хангагдаагүй байсан байцаагч нарт ажлын байрны нөхцөл байдлыг сайжруулах үүднээс  иж бүрэн дүрэмт хувцас, хэрэгслээр ханган ажиллаа.

 

Энэхүү сургалтын үеэр Зам, тээврийн хөгжлийн яамны Хяналт-шинжилгээ, үнэлгээ, дотоод аудитын газраас Дархан хотын авто тээврийн улсын хяналтын байцаагч нарын хяналт, шалгалтын үйл ажиллагаанд дэмжлэг үзүүлэх зорилгоор иж бүрэн компьютерээр дэмжлэг үзүүллээ. Тус сургалтад дэд бүтэц хариуцсан 120 улсын байцаагч оролцжээ.

 

 

   

 

                                                                               

                                                                      

УЛСЫН ХЭМЖЭЭНД АЖИЛЛАЖ БАЙГАА 53 АВТОТЭЭВРИЙН ХЯНАЛТЫН УЛСЫН БАЙЦААГЧИЙГ ХАМРУУЛАН СУРГАЛТ ЗОХИОН БАЙГУУЛЛАА  
Зам, тээврийн хөгжлийн яам Facebook  

Сэтгэгдэл бичих:

Нэмэх