2014.06.05-ны Дэлхийн байгаль орчны өдөр болж, энэ өдрийг тохиолдуулан  Монгол Улсын хөгжлийн хөшүүрэг болох дэд бүтцийн төслүүдийн зэрлэг амьтдын нүүдэл, амьдрах орчин дахь нөлөөлөл, түүний шийдлийн талаар бүтээсэн “Гарц” баримтат киноны нээлт ТЭНГИС КИНО ТЕАТРТ боллоо.

Энэхүү киног ЗТЯ, БОНХЯ бодлогоор дэмжиж ажиллан, АНУ-ын Байгаль орчин, зэрлэг амьтан хамгаалах нийгэмлэгийн дэмжлэгтэйгээр бүтээсэн болно.

Зам, тээврийн яам нь авто зам барих, төмөр зам барих их бүтээн байгуулалтын ажилдаа төлөвлөлтөөс нь эхлэн байгаль орчин, зэрлэг ан амьтдыг хамгаалахад онцгой анхаарал тавихаар ажиллаж, авто зам болон төмөр зам барилгын норм, стандартуудад нэмэлт бүлэг тусгахаар ЗТ-ийн сайд болон БОНХ-ийн сайдын хамтарсан тушаалаар ажлын хэсэг байгуулан ажиллаж байна.