Зам, тээврийн хөгжлийн сайд Ж.Бат-Эрдэнийн санаачилгаар "Авто замын чанар, үр ашиг-2018" удирдах ажилтны зөвлөгөөнийг өнөөдөр зохион байгуулж байна.

2012 оноос хойш зургаан жил завсардсан тус зөвлөгөөнд авто замын салбарын удирдлагууд, төр, хувийн өмчийн байгууллага, орон нутгийн төлөөлөгчид оролцож, салбарын хөгжил, тулгамдаж буй асуудал, цаашид авах арга хэмжээний талаар хэлэлцэж байна.

Зөвлөгөөн 17.00 цаг хүртэл үргэлжлэх бөгөөд зөвлөгөөний төгсгөлд авто замын чанар, үр ашгийг сайжруулах, хариуцлагыг нэмэгдүүлэх талаарх нэгдсэн зөвлөмж гаргах юм.