Зөвлөл, хороод
Замын хөдөлгөөний аюулгүй байдлын Үндэсний зөвлөл Үндэсний тээврийн хороо
төрийн үйлчилгээ
авто зам авто тээвэр Төмөр зам, далайн тээвэр Иргэний нисэх Тусгай зөвшөөрөл Нээлттэй мэдээлэл Нээлттэй өгөгдөл салбарын шагнал Өргөдөл, гомдол Онлайн сургалт

Зам, тээврийн хөгжлийн сайд Д.Ганбат:Төмөр замын мэргэжлийн 700-аад ажлын байр бий болно

2017/03/31
Зам, тээврийн хөгжлийн сайд Д.Ганбат:Төмөр замын мэргэжлийн 700-аад ажлын байр бий болно

Зам, тээврийн хөгжлийн сайд Д.Ганбат өнөөдөр Тээврийн дээд сургуулийн үйл ажиллагаатай танилцаж, цаашид шийдвэрлэх шаардлагатай зарим асуудлын талаар холбогдох албаныхантай зөвлөлдлөө.

 

УБТЗ ХНН-т харьяалагдах Монгол, Оросын хамтын өмчит тус сургууль нь 54 багш, ажилтан, 1500 оюутантай 13 мэргэжлээр бакалаврын сургалт, 3 мэргэжлээр магистрын сургалт тус тус явуулдаг. Харин далайн тээврийн чиглэлээр сүүлийн хоёр жилийн хугацаанд элсэлт аваагүй талаараа сургуулийн удирдлагууд сайдад танилцууллаа.

 

Зам, тээврийн хөгжлийн сайд Д.Ганбат сургуулийн үйл ажиллагаатай танилцах үеэрээ авто зам, агаарын тээвэр, далайн чиглэлээр мэргэшсэн багш нарын хүрэлцээ, хангамжийн асуудлыг хөндөж байв. Түүнчлэн дээрх чиглэлээр Тээврийн дээд сургуульд мэргэжилтэн бэлтгэх нь эдийн засгийн бодит шаардлагыг хэр хангаж байгаа эсэхийг БСШУСЯ-тай хамтран судлаж, арга хэмжээ авах чиглэлийг холбогдох албаныханд өглөө. 

 

Мөн тэрээр шинэ төмөр зам ашиглалтад ороход мэргэжлийн 700-аад ажлын байр бий болж, чадварлаг, мэргэжлийн боловсон хүчний эрэлт гарах тул үүнийг бодлогоор төлөвлөж, бэлтгэх шаардлагатай байгааг онцолж байв. Тиймээс энэ чиглэлд анхаарч, сургалтын хөтөлбөр, төлөвлөгөөтэй уялдуулан, чанарын асуудлыг анхаарах хэрэгтэйг тус сургуулийн удирдлагуудад даалгалаа.

Аливаа бараа бүтээгдэхүүнийг үйлдвэрлэхдээ чанарыг эрхэмлэн үйлдвэрлэснээр тухайн бараа хүлээн зөвшөөрөгдөж, худалдаанд гардаг. Үүнтэй адил сургалтын чанарыг дээшлүүлж, чанартай “бүтээгдэхүүн” үйлдвэрлэхгүй бол ажлын талбарт гараад гологдох эрсдэлтэй гэдгийг сайд Д.Ганбат удирдлагуудад анхааруулав.

 

Монгол Улсад Авто замын инженерийн чиглэлээр 9 их, дээд сургуульд 1200-аад оюутан суралцаж байгаа мэдээлэл бий. Бээжингийн Зам, харилцааны их сургууль боловсон хүчнээ сургахдаа логистикч-эдийн засагч гэх мэт цогцоор нь бэлтгэдэг байна. Тиймээс тээврийн эдийн засаг, ня-бо зэрэг өргөн чиглэлээр мэргэжилтэн бэлтгэснээр орон зайгаа нөхөж, Зам, харилцааны чиглэлээр боловсрол эзэмших боломжтой талаар албаныхан хэлж байлаа. Ингэснээр тус сургуулийг төгссөн мэргэжилтэн, албан хаагчид авто зам, нисэх болон тээврийн салбарт ажиллах боломжтой болох юм. 

Зам, тээврийн хөгжлийн сайд Д.Ганбат:Төмөр замын мэргэжлийн 700-аад ажлын байр бий болно  
Зам, тээврийн хөгжлийн яам Facebook  

Сэтгэгдэл бичих:

Нэмэх